ayamun

CyberRevue de littérature berbère

ⴰⵢⴰⵎⵓⵏ, ⵛⵢⴱⴻⵔ-ⵔⴰⵙⵖⵓⵏⵜ ⵏ ⵜⵙⴻⴽⵍⴰ ⵜⴰⵎⴰⵣⵉⵖⵜ

23 ème année

Numéro 122 Novembre 2022

Email : ayamun@hotmail.com

Retour à Bienvenue

Tidlisin nniḍen : http://www.ayamun.com/telechargement.htm

Inasiwen (claviers) :

1_ Anasiw azegrar :

Clavier complet, deg-s ţ,Ţ, v, o, p ; deg-s taggaɣt (ḋ, ġ, k̇, ṫ)

2_ Anasiw_n_mass_Sliman_Amiri :

clavier complet, deg-s ţ,Ţ, v, o, p

Prénoms algériens authentiques (mis à jour et augmenté)

Sommaire :

1°) Texte en prose : « Tameddurt n Galilei » n Bertold Brecht, Tukkist (Isuyas 14_15), asuɣel sɣur Σ.Mezdad, 2006 d 2021

2°) Chronique_Tamkudt: Amedwel ( ameṛḍil , amyirḍel ) , tiwizi , tacemlit , dacu n umgired ? sɣur Lmulud Sellam

3°) L'article : Le monde berbère vu par les écrivains arabes du Moyen-Age, Par Tadeusz LEWICKI, In Actes du Colloque sur les cultures d’origine arabo-berbères, SNED, 1973, Pages 31 à 40.

4°) Tidlisin nniḍen, en PDF : DICTIONNAIRE_FRANÇAIS_TOUAREG_EMILE_MASQUERAY_1893.pdf

5°) Etude : POESIE FEMININE DE LA GUERRE D’INDEPENDANCE (1954-1962), Par Ramdane Lasheb

6°) Tameslayt : AMAWAL yeţusmersen di “Tmeddurt n Galilée n Bertold Brecht”, tasuɣelt n Σ.Mezdad

7°) L'évocation : 7_septembre_1925_Bombardement_du_Rif_par_des_armes_chimiques_et_du gaz_moutarde.jpg et légende

8°) Le poème : Ukuẓ ’isefra sɣur Moh Cherbi

8°) Toutes les rubriques :

Retour en haut

Numéro 122 Novembre 2022

Le texte en prose :

Tameddurt n Galilei n Bertold Brecht

Tukkist (Isuyas 6_7)

Asuɣel sɣur Σ.Mezdad

2006 d 2021

ASAYES 6

1616. collegium ṚummAnum, asudu[1] unadi n Vatikan, yesentem ayen i d-yufa galileo.

Aya d ayen ur neẓra s tuggti

Ziɣ llan ‘imussnawen ur nessin.

Clavius, winna yunzen i Ṛebbi

Yefka-yas azref i Galileo.

Tazeqqa n Collegium Ṛummnum. Yeɣli-d yiḍ. Imaltaɣen n yirgazen flayen di teddyanit, irahiben, imussnawen, d tirebbuyeε timeẓyanin. Di tama, Galileo, iman-is. Yekker uhetwir meqqer. Uqbel ad yenti usayes ad nsell i teḍsa d abarar.

Yiwen WESquf[2] d afuyan yeṭef aεebbuḍ di teḍsa : A taxrur[3]t ! Taxrurt ɣer tayeḍ ! Bɣiɣ win ara iyi-d-yawin tasrist[4] ur yeţamen yiwen.

Amussnaw. Amedya dɣa d kečč, a Sidi, ma yeṭef-ik ukuẓzu meqqren zdat wučči.

ASQUF AFUYAN. Ad amnen, ad amnen. Anagar ayen yellan d ṣswab, ayen isehlen ur ţamnen medden. Win yennan yella Cciṭan, ad cukkten. Ma nnan ddunit teţdewwiṛ al tcireţ, ad d-akkw amanen. « Sancta simplicitas ! a zzman ideg i d-neggra ! »

YIWEN URAHIB yeţurar tazfi[5] tamellaɣt[6]. Ṭfent-iyi temlellay. Atan ddunit-a ziɣ teţdewwiṛ s temɣawla. Suref-iyi kan ad ṭfeɣ deg-k, a profisur.

Amzun akken yemderkal, dɣa yeṭef deg yiwen umussnaw.

AMUSSNAW, yekcem deg wurar. Aţan, assa teskweṛ akk, temɣart meskint.

Yeṭef deg wayeḍ.

ARAHIB. Ṭfet-aɣ-d ! Ṭfet-aɣ-d ! Aql-aɣ neţecceg. Nniɣ-awen, beddet dinna !

AMUSSNAW Win sin : Wanes tennegdam akkw. Ikad-iyi-d kan wezgen di tɣimit-is. Abbuh !

Tarbaεt ‘irahiben uɣalen d tajlibt, rran-ţ i teḍsa, amzun akken ţnaɣen akken ur d-ţwaḍeggiren ara seg uɣerrabu teṭef lɣimra.

ARAHIB wis sin. Awi-d-ukan ur aɣ-ţzlelliεen ara alamma d aggur ! Ay atmaten, la qqaren tiqcucin ‘idurar-is d acelleḥ i ţcelliḥent.

AMUSSNAW amezwaru. Ur sik̇idet ara d akessar ! Ţaġadeɣ ad i-yeṣegḍi yilem.

ASQUF afuyan, yesuli taɣect-is metwal Galileo akken ad as-isell. D tikerkas. D awezɣi, Collegium Ṛummanum yezga yeččur, ur yezmir ad yeqqim d ilem. Aṭerḍeq n teḍsa annect-ilat.

Seg yiwet tewwurt, tasila[7], ad d-kecmen sin ʼimsagguren n Collegium, Ad d-teɣli tsusmi.

ARAHIB. Aql-akken tezgam teţanim igenni ? D wa iwumi qqaren abehdel !

YIWEN UMSAGGUR, yeggurzen : Nekkni, ugar !

AMSAGGUR win sin. Anida akka bɣan ad aɣ-tawi taluft-a ? Ur gziɣ dacu akka yebɣa Clavius… Dɣa i lemmer i nuɣ awal iwayen akka akk i d-fettun 50 ‘iseggasen-a ineggura ! Deg useggas 1572, deg tebruragt akk flayen, tis tam, tabruragt n ʼitran ibedden, itri amaynut yenti acečeε, ma tebɣiḍ deg ugar akk itran i d-iqerben ama di temɣer ama deg uceεceε, werεad yezri useggas d wezgen kra din yensa deg-s, yesegḍi-iţ yilem, Ahat ilaq ad nḥuf : d acu akk i d akud imɣellel, d acu akka d igenni ur nreǧǧen[8] ?

AFELSAF. Ma nunef-asen ufan abrid, ad sergrurjen akk igenni bu ʼitran,

AMSAGGUR amezwaru. Ih, anida akka nteddu ? Akken zrin 5 ‘iseggasen, Aḋanwa Tycho Brahe yufa-d azirez n yiwet tmesriwt[9]. Tkad-d nnig waggur n tziri, syin tenqer-d yiwet s yiwet tiɣlafin n tebrurag, anida ṭfen igerbuzen yeţemḃiwilen deg ‘igenwan. Ur yella kra i ‘s-igezmen tikli, ulac kra i ‘s-yesunfen tafat-ines. Ahat ilaq ihi ad nini : anida rrant tebrurag ?

AFELSAF. Aya d ayen ur nḍerru ! Amek akka dɣa tura Kritofurus Clavius, amsaggur akk aggeεmir n Telyan d teKlisyan yeqbel iger tamuɣli, ad yani taluft am ta !

ASQUF afuyan. S ţbehdila !

AMSAGGUR amezwaru. Yerna atan la yeţani, irennu ! Atan ireṣsa dinna, ḃeεrerrint wallen-is deg uqadus-a n Cciṭan.

AMSAGGUR win sin. « Principiis obstat ![10] » Tigejda ţqarraεent ! Kra n wayen nesmiḍin d ‘iseggasen aya, ggtent tɣawisiwin, teɣzi ‘useggas n yiṭij, azemz n wefsax n yiṭij d waggur n tziri, ibeddi n ‘igerbuzen ‘igenwan, akken i d-nnant ṭablat n Kupernik, neţa yeffɣen taddyanit.

ARAHIB. Asteqsi : yif ma nwala afsax n waggur yezri s 3 wussan akken ara d-yini uwitay[11] neɣ d awezɣi ad rreḥa timɣellelt ?

ARAHIB yejjxen maḍi yuẓa-d, zzmam n bible deg ufus-is, la yekkat s uḍad-is ur t-yelgim deg yiwen usebtar. D acu i d-qqarent tira? « Iṭij, bedd anida yella Gabaôn, ma s kemm a Tiziri bedd di tefrawt n Ayyalôn!” Amek akka ara ibedd ʼiṭij ma tuɣ ur yeţdewwiṛ ara, akka i d d-demmun[12] wigi yeffɣen taddiyanit. Ma dɣa skerkisent tira ?

AMSAGGUR win sin : Llant tedyanin i ɣ-d-igellun s wuguren I nekkni s ‘imsagguren-a, argaz εni ilaq-as kra din ad t-yefhem ?

Sin ʼimsagguren ad ffɣen.

ARAHIB yejjxen : Tura kkaten ad rren deg yiwen uḥellab akal anida tlul talsa akked yimtiweg yeddelwiḥen. Ad gren deg yiwet tcekkaṛt amdan yezgan d ilem. Ɣef akka I d-qqaren ur akal ur igenni, d ayen ur nella. Ulac akal imi d imtiweg yeddan d ‘igenni, ulac igenni imi yeččur s wakalen yeggten deg-s. Ihi, ɣur-sen, ulac amgirred yellan gar ukessar d usawen, gar wayen yellan d aɣellel d wayen yeţfakkan. Ih, nekkni neẓra iman-nneɣ neţfakka. Tura la ʼɣ-qqaren ula d igenni yeţfakka. Akken nɣil, yella akken yura di tira, yella yiṭij, aggur n tziri, itran, nekkni nedder, akal nteddu fell-as; sya d afella, lqaεa daɣen ad tuɣal d amtiweg n menwala ɣef akken i d-yeqqar wemdan-a. Anagar imtiwgen i yellan, ulac ayen nniḍen. Ad d-yaweḍ wass anida ara ʼɣ-d-inin ur yella wemdan, ur yella waxut. Amdan s timmad-is d axut, kra yeddren d axuten !

AMUSSNAW Amezwaru, i Galileo : A mass Galileo, sikked kan d acu akka i ‘k-yeɣlin.

GALILEO, ayen akk akka yezrin, yesuffeɣ-d si lǧib-ines adɣaɣ, yeţurar yis-s, syin yeɣli-yas ɣer lqaεa, dɣa yunez akken ad t-id-yeddem. D alluy, a Mass, ǧǧiɣ-t yuli mačči d aɣelluy.

ASQUF afuyan. A yiwen wuqbiḥ !

Ad d-yeckem umxater[13] d amɣar acaraf maḍi, isenned ɣer yiwen urahib. S uqadder meqqren i ʼs-d-gan amḍiq.

AMXATER acaraf maḍi : Ihi ariḍa atenad daxel ? Tura dɣa ur zmiren ad aɣ-frun tiqeclal s tɣawla ? Yerna Clavius ur ixuṣ ara di tesnaggurt ! Sliɣ la qqaren mass-nni Galileo yekkes-d amdan bu sin ‘iḍarren si tlemmast umeɣrad yebɣa ad t-yesers di kra n yiri akken. S wannect-a, atan yuɣal d acengu n nnaẓira n talsa ! Dɣa ad yeḍru yid-s wayen iḍerrun d icenga. D argaz i d asɣun[14] n tXelqit, ula d arrac ẓran aya, deg wayen i d-yexleq uGellid ameQqran d neţa i ifazen, d neţa i yeεzizen. Amek tura wagi ad yeddem leεǧeb am wa, ayen i d-ilulen s tnimar, yebɣa ad t-yesers ɣef umtiweg d amectuḥ yezgan d amerwal, kra din igemmeḍ fell-as ? Amek ara yeqbel Rebbi ad yazen mmi-s s amekkan am win ? Ur walaɣ ara amek ziɣ llan yimdanen yerwin di rray-nsen armi ţamnen wigi yuɣalen d aklan i ṭeblat n usmiḍen ! Di texliqt uxellaq anwa ara yawin i waya ?

ASQUF afuyan, s usbecbec. Amexluq-nni atan da.

AMXATER acaraf maḍi, i Galileo : Ihi, ziɣ d kečč aya ? Tura ma tebɣiḍ dayen yeǧǧa-iyi usekkud, ɣas akka ţwaliɣ aṭas, teţcabiḍ nezzeh ɣur wergaz-nni – isem-is yakan ? – winna akken neserɣ tallit-nni.

ARAHIB. A Tifuzya, ur ak-ilaq ad tzeɣleḍ. Aḍbib …

AMXATER acaraf maḍi idegger-it, ad isami Galileo. Tura kečč tekkateḍ ad tekkseḍ sser ɣef ‘Akal iɣef teddreḍ, kra din yefka-yak-id. Tekkateḍ ad teṛgweḍ azdel[15] yellan d ayla-k ! Ayen yebɣun yeḍru d ayen ur qebbleɣ ara. Idegger akken arahib, yebda yesikil, yeţawi yeţarra, azuxxu ! Yeţcuffu deg ‘idmaren-is. Nekk ur d lxelq n menwala i lliɣ deg temtiwegt tudyiqt n menwala i itezzin i kra n tallit kan, ur teẓri anida ara terr. Aql-i la tedduɣ, asurif-inu iteddez aKal ussid, aKal imbeddi, talemmast umaɣrad[16], ma d nekk uɣeɣ talemmast-ines, tiṭ uXellaq aţan tezga fell-i, treṣṣa deg-i kan. Nnig-i, kra din yurez ɣer 8 tebrurag n wagers, sya d sya, zzin-iyi-d yitran imbedden d yiṭij imεeǧǧeb i d-yeţwuxellqen akken ad yeḍwu ayen akk i iyi-d-yezzin, nekk zgiɣ din, akken Ṛebbi ad d-yesikkid deg-i. Ihi, kra din ikad, kra din ihemmez[17], kra din ɣur-i i d-yeqqen, nekk argaz, agummu n tnimar n Sidi Ṛebbi, taxelqit-ines yeṭfen talemmast, d udem-iNes, ur nfennu, ur ... Dɣa yerrtem dinna.

ARAHIB. Tifuzya-k tεedda i tezmert-ines !

Imiren kan, ad teldi tewwurt n tsila, ad d-yekcem Clavius aggeεmir yezwar-d i ‘imsagguren-ines. Tasusmi, taɣawla, yesuruf di tzeqqa, iẓri-ines ireṣsa zdat-s; mi iwet ad ireg, isuma arahib.

CLAVIUS. D ayen yellan !

Yeffeɣ, ḍefren-t ‘imsagguren. Tawwurt n tsila teqqim akken teldi. Teɣli-d tsusmi am tin uẓekka. Amxater acaraf maḍi yerra-d s lexbar.

AMXATER acaraf maḍi. D acu yeḍran akka ? Dayen yegzem wawal ?

Susmen akk, ulac win i d-yemmamḍen s awal.

ARAHIB. Tifuzya, ilaq ad neddu yid-k.

Ullen amɣar-nni akken ad ireg. Ffɣen akk si tzeqqa, ggmegmen.

Yiwen urahib d ameẓyan yeţekkin di terbaεt ucahi n Clavius, ibedd tama n Galileo.

ARAHIB ameẓyan, s uzizweḥ : A mass Galileo, aBabat Clavius yenna-d tura ilaq ad walin imesnakucen amek ara srekben gar-asent tibrurag ‘igenni ! D kečč i ilummẓen ! Yeffeɣ.

GALILEO iwet amek ara t-id-yeṭef. D neţat i yellumẓen. D tazɣent i yellumẓen, ur d nekk !

ARAHIB ameẓyan igemmeḍ.

Ula d Galileo ireg. Deg umnaṛ yemlal d yiwen upapas annect-ilat di lqedd, d amaxater uḥeṭen. Yedda-d yid-s umesnaggur. Yunez-asen Galileo. Send ad yeffeɣ, yesbecbec i lusi asteqsi.

LUSI, ula d neţa d asbecbec. Tifuzya amxater uḥeṭen.

Amsaggur yedda d umxater uḥeṭen alamma s timsik̇det.

ASAYES 7

Ma d aḤeṭen iger-d gar wallen-is tiẓri n Kupernik (5 meɣres 1616).

Galileo yekcem di tmeɣra n karnaval

Di teɣremt n umxater

Yečča, yeswa

Γer wacu i d-yeţwaεreḍ ?

Tanezduɣt umaxtar Bellarmini di Rom. Atan dinna igerrez wurar. Deg uḥanu[18], sin ʼimaruyen iklisyanen ţuraren tiddas n cetrenj, yerna ţarun tizmilin ɣef ’inebgawen. Galileo tqubel-it-id terbaεt tamectuḥt deg-s tilawin, deg-s ssiyyad s buεfif, wtent-as afus. Tedda-d yid-syelli-s akked Ludocici Marsili, axḍib n Virginia.

VIRGINIA. Ur ţ-cḍiḥeɣ akked wayeḍ, a Ludovico.

LUDOVICO. Tefsi-yam-d txellalt-nni n tayeţ-inem.

GALILEO.

« Aɣennas ɣef tεenqiqt-inem, yeǧǧa-ţ cwiṭ aThaïs

Eǧǧ-it kan akken. Arway yeṛban di telqay

Yesken-as-t i tmuɣli s tadfi,

Ula d wiyaḍ ddmen amur. Ddaw tafat i d-fkant tcemmaεin

Tazeqqa teččur d medden, zemren ad argun

Imeḍqan yezzren di tillas deg ugrur i yeţraǧun »

VIRGINIA. Ḥess kan i wul-iw.

GALILEO, yesers afus-is ɣef ’ul-is. La yekkat.

VIRGINIA.Bɣiɣ ad asen-d ikad zzin-iw.

GALILEO. Ilaq, mulac ad uɣalen daɣen ad ten-yekcem ucukket teţdewwiṛ.

LUDOVICO. Ur teţdewwiṛ ara maḍi. Galileo yeḍṣa-d. Rom akk fell-ak i ţmeslayen. Si tmeddit-a d afella, a mass, ad mmeslayen ɣef yelli-k.

GALILEO.Yesgel maḍi ad d-ikad kra d ahuskay di tefsut n Rom. Ula d nekk, aql-i amzun d Adonis, acu, zureɣ cwiṭ. I imaruyen-nni. Dagi ara qqimeɣ ad raǧuɣ Tifuzya-ines. I ibusinen-nni. Ruḥet ad tezhum ɣef ’iman-nwen.

Uqbel ad treg agemmaḍ ad tekcem lḃal, Virginia tbern-d s tazzla.

VIRGINIA. A Baba, aḥeffaf-nni n wezrug n Trionfo yezzwer-iyi, yeǧǧa 4 tsednan nniḍen ţraǧunt. Din din yeεqel isem-ik. Teffeɣ.

GALILEO, i ’imaruyen-nni yeţuraren tiddas n cetrenj.

Ar tura akka, sul-ikken teţurarem tiddas n ccah-mat akken am zik ? D uqmiḍ, d uqmiḍ. Yerna tura nezmer ad nesembiwel tifigurin-nni ɣef ufelwi teɣzi, tehri. Anfa, akka – yesken-asen – amexlul, akka, lalla, akka d wakka. Akka ad d-tesalim tajuma, yerna ad d-tġerrzem iɣawasen.

YIWEN SEG ‘IMARUYEN. S tiɣrad neţaɣ, ulamek, d ayen teẓriḍ. Ur nezmir ad nesiwseε akka i d-teqqareḍ. Iḍegger tiyita wezzilen.

GALILEO. Aha°, ay aεziz, aha°. D win iwumi ɣezzif uḍar i d-ţṣaḥen imeddasen imeqqranen. Ddut kan akken yedda lawan, a ssyadi. Ur ţḍafaret ara kan rrif rrif ; yiwen wass ad tecenceṛrem deg ’aman.

AMXATER-nni acaraf maḍi, yellan deg usayes yezrin igzem-d tɣerɣert, yedda-d yid-s urahib-ines. Iwala Galileo, iεedda ɣer tama-s, iqelb-d, ikukra, syin isellem-fell-as. Di tzeqqa n lḃal, icawraren cennun tazwara n usefru ifazen n LORENZO n Medicis ɣef ’ayen yellan d lfani :

« I nekk yeẓran ddeqs n twerdtin fnant

Ticuḍatin-nsen dayen rfufent

Bruzzεent ɣef ’akal asemmaḍ, ẓriɣ

Afa[19] n temẓi ur yeţdum. »

GALILEO. Rom. Tameɣra taggeεmirt ?

AMARUY AMEZWARU. D ta i d tameɣra n buεfif tamezwarut seg ʼiseggasen n ţerka ɣer da. Iderma akk n Ṭelyan atenad da tameddit-a. Iorosiniyen, iVillainiyen, iNuccoliyen, iCanen, iLecchiyen, iStensiyen, iColombiyen.

AMARUY WIS SIN igzem-as awal. Tifuzyiwin-nsen, imaxtaren Bellarmin d Barberini.

Amxater Bellarmin d umxater Barberini ad d-kecmen. Ṭfen zdat wudmawen-nsen, ɣef ʼiεekkzen, iqricen, yiwen d win ’izimer wayaḍ d win n tmilla.

BARBERINI, iwehha aḍad-ines ɣer Galileo. «Iṭij ad d-yekker, ad yeɣli, ad yuɣal alamma d anida i d-yeţenkar. » Atan wacu i d-yenna Sidna Sliman. Acu ara d-yini Galileo ?

GALILEO. Asmi werεad wwiḍeɣ annect-a – isken-d s ufus-is annect yella di txellat – A Tifuɣri, lliɣ sufella ugerrabu, dinna suɣeɣ : atan rrif ireggwel. Assa n wussan, ẓriɣ rrif d usbiḍ, ur yeţembiwil, d aɣerrabu i yeţgemmiḍen.

BARBERINI. Yetwel, yetwel. Ayen akka neţwali, a Bellarmin, d igenni bu ʼitran i yeţdewwiṛen, ahat mačci dayen yellan d tideţ, aɣerrabu d rrif uzegza d inagan. Ma d ayen yellan d tideţ, meḥsub lqaεa yeţdewwiṛen, ur nezmir ara ad as-nfiq ! Yetwel. Ma d agguren-nni n Yebter d ayen ur zmiren ad qeblen

wasnagguren-nneɣ. Bnaqes, a Bellarmin, zik ɣriɣ kan di tasnaggurt. Ayen ɣriɣ akken ar tura yenteḍ deg-i amzun d ajeǧǧiḍ.

BELLARMI. Ilaq ad neddu d tallit ideg nella, a Barberini. Tura ma tigretyal-a ʼigenni, beddent ɣer turda tamaynut, ma ad siseglent asareb[20] i iwlalen[21]-nneɣ, yesefk ad smersen tigertyal-a. Ur nebrasem ara anager s tiẓriwin i d-yeqqaren atan Zzmam tella deg-s tuccḍa. Dagi isellem s wesɣal metwal tazeqqa n lḃal.

GALILEO. Zzmam, tira. « Win iḥewṣen irden, ad t-yexzu weɣref.» Seg ʼ̇inziyen n Sidna-Sliman.

BARBERINI. « Azemni, bab n leεqel, yesedrag tamussni-ines.» Seg ʼ̇inziyen n Sidna-Sliman.

GALILEO. « Izgaren anida llan, addaynin ad yames. Acu, si tezmert n wezger, abaɣur i d-neţekkes meqqer. »

BARBERINI. « Win ileggmen leεqel-is yif win yeddehimen ɣer tuṭfa n temdint.»

GALILEO. « Ma d win yerrẓen di ddehn-is, ad iwali iɣsan-ines mi ţkawen.» Akud. « I tideţ ur teţiẓzif ara akken ad as-d-slen ?»

BARBERINI. « Yella win izemren ad yesers aḍar-is ɣef ʼirrij, yerna ur ireqq uḍar-is ?» Ansuf yis-k ɣer temdint n Rom, ay ameddak̇el-nneɣ Galileo. Ur ẓriɣ ara ma tessneḍ taqṣiṭ-a ? Sin warrac d imeẓyanen, akken i d-teqqar temεayt, tefka-yasen ayefki tgaluzt[22] terna tesbur fell-asen leεnaya-s. Seg ʼimiren, arraw-nni n tgulazt ilaq ad xellṣen ayefki ara swen. Acu, tagulazt teţesmiri-d tadfi anida tella, ama d tin ʼigenni, ama d tin n lqaεa. Tadfi teṭef seg umeslay akked umeddak̇el-iw Bellarmin yeɣra nezzeh alamma d umeslay d 3 neɣ 4 tsednan sut tsellet[23] slant akk yis-s di tmura. Ma truḍaḍ, tura kan ad ak-tent-id-sekneɣ.

Yezuɣer Galileo akkin, akken ad as-yesken tazeqqa n lḃal. Galileo yeḍfer akken s uzubben[24].

BARBERINI. Aha° ? Iġemmen askasi ad igerrez. D ayen yelhan. Ay ameddak̇el Galileo, ahat kunwi s wasnagguren-a, tlekknem, teţnadim kan ad tesisglem tasnaggurt-agi-nwen ? Yuɣal-d ɣur-s ɣer tama n zdat usayes. Aseɣzen-nwen d awalen n twinas, n teglaytin, n uɣiwel asurad, anida yella wembiwel-nwen d usgil akken yesgel wallaɣ-nwen. I dɣa ma yehwa-yas i Rebbi ad d-yexleq imtiwgen akka ? Yesxerbubec s uḍad-is zdat-s kra akken tzirezt[25] d tuxnizt mačči d kra. Dɣa amek ara teḍru d ukayat[26]-nwen, d useḥseb-nwen ?

GALILEO. A TiFuzya, limer Rebbi yefka-d ddunit akka – Yules i tzirezt-nni i d-yesxerbubec Barberini – dɣa ula d allaɣen-nneɣ ad ten-id-yefka akka – Yules i tzirezt-nni i d-yesxerbubec – dɣa allaɣen-nneɣ ad εeqlen tiziraz-nni imi d tidak i ʼsen-iseglen. Umneɣ s teɣzent.

BARBERINI. Taɣzent iman-is drus. Atan yesusem. D uḍrif nezzeh, ur d-yeqqar ara tagi-inu ur as-teččuṛ ara tiṭ. Yeḍṣa-ţ-id, syin yuɣal ɣer temtekkit.

BELLARMIN. Tazɣent ay ameddak̇el, ur tesawaḍ ara nezzeh. Twalaḍ d acu i ʼɣ-d-yezzin, anagar tiberxidas[27], tadugit[28], tawsu[29]. Anida tella tideţ dinna ?

GALILEO, yezɣel. Nekk umneɣ s teɣzent.

BARBERINI, i imaruyen. Fiḥel ma turam ayen akka i d-neqqar akka tura, d adiwenni usnan gar sin ʼimedduk̇al.

BELLARMIN. Xemmem kra amek i ’sen-teţqam ɣlayet i iBabaten n Taklisya d widak i d-yernan deffir-sen, deg ’aṭas yid-sen, amek ṛwan aneεţeb d usmeḍren[30], akken ad fken azal i ddunit akka tella – yerna ur d timremmeɣt ? Xemmet i tifuḥlit n widak di tgemmiwin-nsen di Kampania yesexdamen s ujelkaḍ ifellaḥen yeεran, rnan d nniyya-nsen ʼimeɣban maskit sudunen-asen iḍarren.

GALILEO. D afḍaḥ ! Deg ’inig-a makken i d-usiɣ ɣur da, walaɣ…

BELLARMIN. Tilufa akka ur nezmir ara ad nefhem – ddeqs i yellan di ddunit – nesḃabb-itent i ’iri n yiwen lxelq ulac nnig-s wayeḍ, neqqar d neţa kan i yeẓran iswi, yeẓra d acu ixeddem d tlufa-nni ara ffɣent . Γas akka, ur nennul ara talwit meqqren, tura kečč, tġemmneḍ-d lxelq ulac win yellan nnig-s, ur yeẓra nezzeh amek teddunt ’imtigwen, tifeḍ-t di tmussni. Dɣa d ayen yellan d ṣswab ?

GALILEO. Ad iwet am ara d-yefk asfali. Nekk d mmi-s n Taklisya, yerna d amekdi...

BARBERINI. Yesejεar. S nniyya-s, yebɣa ad ibeggen atan Rebbi yella yecceḍ s waṭas di tesnaggurt ! Ihi, Rebbi ur yuni ara akken ilaq tasnaggurt uqbel ad d-iheggi Tira-ines timɣeddest ? Ay ameddak̇el !

BELLARMIN. Ahat tzemreḍ ad tiniḍ kečč daɣen ahat aXellaq yif amexluq-ines akken yessen ayen i d-yexleq ?

GALILEO. Akken yebɣu yili, a ssyadi, amdan mačči yezmer kan ad yecceḍ seg wamek tezzin ’imtigwen, yezmer daɣen ur ifehhem ara ayen ara iɣer di Zzmam !

BELLARMIN. Ahat akken yebɣu yili, s wid yeɣran tasnakuct n Taklisya timɣeddest ara d-yinin d acu i d-yeqqar Zzmam, neɣ ḍelmeɣ ?

GALILEO yesusem.

BELLARMIN. Twalaḍ ! Aql-ak tura tesusmeḍ ! Yesɣel-asen i imaruyen. A mass Galileo, iḍ-a yezrin, Azeqqa-Imɣeddes iġemmen-d tiẓri n Kupernik i d-yeqqaren iṭij atan di tlemmast umaḍal yeznuneε din ma d lqaεa ur tella ara di tlemmast ʼumaḍal, teţembiwil, ihi tiẓri-a temxel, d tazulalt[31], d abdaε yeffɣen i webrid n liman. Aql-i uznen-iyi-d ad snuciɣ[32] deg-k ad teǧǧeḍ abrid-a. I Umaruy amezwaru. Ales-as-d kan !

AMARUY AMEZWARU. Tifuzya-s amaxter Bellarmin (t)yenna-yas i Galileo Galilei. Azeqqa-Imɣeddes iġemmen-d tiẓri n Kupernik i d-yeqqaren iṭij atan di tlemmast umaḍal yeznuneε din ma d lqaεa ur tella ara di tlemmast umaḍal, teţembiwil, ihi tiẓri-a temxel, d tazulalt, d abdaε yeffɣen i webrid n liman. Aql-i uznen-iyi-d ad snuciɣ deg-k ad teǧǧeḍ abrid-a.

GALILEO. Amek meḥsub, anida yeffeɣ wawal-a ?

Nsell i tseddart nniḍen usefru i d-cennun icawraren tuli-d si tzeqqa n lḃal.

« Nniɣ, tasemzuyt[33] yelhan tezerzeḥ

Γas kkes-d tawerdeţ skud nella di maggu »

Barberini iwehha-yas i Galileo ad yesusem skud ur tfukk taɣect. Ţḥessisen-as.

GALILEO. I wayen yeḍran ? Yak ɣileɣ isnagguren n COLLEGIUM ṚUMMANUM, asudu unadi n Vatikan ikez[34], yeqbel asikked sakkdeɣ d ayen yellan.

BELLARMIN. Yesken-d nezzeh abrasem-ines, yerna yesuget-ak iseɣ.

GALILEO. I igensa n Yebter, annuf[35] n Wanes, amek ?

BELLARMIN. Asmi akken yeqbel tuɣ Agraw-Imɣeddes werεad yuni nezzeh timsal.

GALILEO. Amek ihi, sya ɣer zdat anadi ussnan...

BELLARMIN. Ḍemneɣ-k aḍman yessden, a mass Galileo. Deg webrid i d-yenǧer wejmuḍ[36] n Taklisya i d-yeqqaren ɣas ad yili wayen ur nezmir ad nissin, acu, abrid unadi yeţuqbel. Isellem aɣen ɣef yiwen inebgi yellan di tzeqqa n lḃal. Ihi, tzemreḍ ad teɣzeḍ di tiẓri-ya akken tebɣiḍ, acu am akken d turdut tusnakt. Tussna, a mass Galileo, d yelli-s taεzizt taḥlalt n Taklisya. Ulac deg-neɣ win yumnen ad tesdermeḍ lman di Taklisya.

GALILEO, yezɣel. Ma nesuget-itent fell-as, laman iḥeffu.

BARBERINI. Eyyah ? Iwet-as di tayeţ, yeṭerḍeq d taḍsa. Syin yesakked deg-s nezzeh, yenna-yas, s kra ukamma[37]. Ur sedduy ara azegzaw d uquran, ay ameddak̇el-nneɣ Galileo. Nekkni aya d ayen ur nxeddem. Neḥwaǧ-ik ugar akken i ’ɣ-teḥwaǧeḍ.

BELLARMIN. Ḥareɣ ad qeddmeɣ ameqqran deg ’imsunak n Ṭelyan i aseqqam[38] uZeqqa-Imɣeddes, i ’k-igan ccan aṭas.

BARBERINI. Yeṭef Galileo deg ’iɣil nniḍen. Atan yuɣal daɣen amzun d izimer. Ula d kečč, ay ameddak̇el, yif limer i d-tusiḍ s icettiḍen uduktur n wejmuḍ yettekkan. D aqruc-a swayes ɣummeɣ udem-iw i yi-ǧǧan akka meslayeɣ-d kra. S icettiḍen-a n wassa tzemreḍ ad iyi-d-tesleḍ sbecbuceɣ : Ma Rebbi d ayen ur nella, ilaq ad t-id-nesnulfu. Eyyaw kan ad nerret iɣumuyen-nneɣ. Galileo umeɣbun-iw ulac s wacu ara iɣumm.

Yiwen sya, wayeḍ sya, ṭfen Galileo deg ’iɣil, zuɣren-t ɣer tzeqqan n lḃal.

AMARUY AMEZWARU. Turiḍ tanfalit-nni taneggarut ?

AMARUY WIS SIN. Tura kan ad ţ-fakkeɣ s tira. Ţarun, reṣsan iman-nsen di tira. I tinna anida i d-yenna yumen s teɣzent ?

Ad d-yekcem umaxter amḥeṭen.

AMḤEṬEN. Dayen tfukkem tadiwennit ?

AMARUY AMEZWARU, s wawal mekanik. Di tazwara, yewweḍ-d mass Galileo akked yelli-s, tinufkin-is neţat assa i... Amḥeṭen isɣel akken ad yezgel aya. Syin mass Galileo yeselmed-aɣ talɣa tamaynut n wurar n centrej, tura ilugan nneqlaben, nezmer ad nawi tifigurin akken nebɣa di tɣerɣert.

AMḤEṬEN igzem-as awal. Awit-d kan azmaẓ s yimi[39].

Yiwen umaruy imudd tasebtart-nni wezmaẓ s yimi, amxater yeqqim akken ad t-iɣer. Snat tsednan meẓziyit di leεmer, udem iɣumm s weqric, rẓant tagecrirt, d asellem ɣef umxater.

YIWET DEG-SENT. Anwa wa ?

TAYEḌ. D amxater amḥeṭen.

Sqwerqwrent[40]-d kra n teḍsa, syin ffɣent. Ad d-tekcem Virginia, tesakked akka d wakka, yella kra teţnadi.

AMḤEṬEN, di teɣmert. Dacu akka, a yelli ?

VIRGINIA, teḋuqqes, imi ur t-twala ara. Ah, d TiFuzya !

Akken ur d-yesuli allen-is amxater imudd-as afus-is ayeffus. Tuẓa-d ɣur-s, tesgecrer, tesuden tazzagt-nni.

AMXATER. Iḍ-a ifaz ! Ad am-iniɣ mebruk ɣef wexḍab-inem. Tafamilt n wexḍib-inem d tafamilt lεali. Ihi, ad teqqimeḍ da ɣur-neɣ di Rom ?

VIRGINIA. Mačči tura, a TiFuzya. Ad yegget ccɣel, d aheggi n tmeɣra.

AMXATER. Ihi, ad tuɣaleḍ alamma d Firenze, ad tedduḍ d baba-m. Brasmeɣ nezzeh. Ih, ad iniɣ baba-m yeḥwaǧ-ikem aṭas. Tusnakt-a d tasemmunt semmḍen, neɣ delmeɣ ? Amdan, s teksumt-is d yidim-is ma yella di lemsaq-nni, aṭas ara yesenfel : amaɣrad n ʼimtigwen, yewseε mačči d yiwen i iɣuṛ, tugeţ ma d argaz yufraren.

VIRGINIA, tewwi lwehma. Ul-ik deg ufus-ik, a Tifuzya. Acu, aṭas n tɣawsiwin ur tent-gziɣ ara.

AMXATER. Yak akka ? Yeḍsa-ţ-id. Deg wexxam n bu iselman, iεeggalen ur teţen ara iselman, yak akka ? A yell-i, ad yewhem baba-m asmi ara isell ɣur-i i tlemdeḍ ayen akka tessneḍ ɣef umaɣrad n imtigwen. Yeţwerriq azmaẓ s yimi. Qqareɣ di tsebtart-a imesnulfuyen, aqerru-nsen yeţwassnen deg umaḍal d mass baba-m, d argaz aggeεmir, yiwen seg ʼiggeεmiren nezzeh, keyden-d tamuɣli yellan akka tura ɣef lqaεa-nneɣ εzizen, am akken tefuhri[41] kra. Acu, si tallit n Ptolemus, amussnaw yeddren di teglest, ar assa, nmeggez awsaε n wayen akk i d-yeţwaxelqen, meḥsub tabruragt n wagers, di tlemmast-ines tεenneǧ lqaεa, nmeggez-as ad taweḍ 20.000 n wekdu[42] n lqaεa. Aṭas ! acu, meẓzi, meẓzi nezzeh i tmuɣli n ʼimsenulfuyen-a. Γef akka nsell, awsaε yewseε d leεǧeb, amecwaṛ-nni si lqaεa alamma d iṭij, i ʼɣ-d-yeţkaden meqqer, ɣef akken nɣil, ziɣ ulac deg-s maḍi, anida ara d-ikad zdat umecwaṛ yellan gar lqaεa-nneɣ tameɣbunt d yitran ireṣsan di tebruragt tuffiɣt madi, ur neḥwaǧ ara yakk ad t-id-neseddu deg useḥseb. Yerna, ilaq ad d-nernu, imesnulfuyen-a zgan ţserriḥen i ufus di tmeddurt-nsen.

VIRGINIA teḍsa-ţ-id. Amxater yeḍsa-d yid-s.

AMXATER. Ad am d-rnuɣ, kra n ssiyad uZeqqa-imɣeddes, ma tebɣiḍ, ţwaqehhren s tmuɣli-ya i ʼɣ-d-ţheggin wigi, zdat-s tamuɣli-nni yellan akka ar tura, d taqmamaṭ kan, nezmer ad nezzi i tεenqiqt timsserit, akken tella tεenqiqt n kra n telmeẓyin. Uġadeɣ deg ʼimecwaṛen iggeεmiren i d-snulfan, amuṭran[43], neɣ ula d amxater ad asen-yeεreq webrid s sshala. Ula d lpap, Bab-Igenwan ahat ad iɣab ɣef ʼallen-is. Ihi, a dayen yeseḍsayen, acu, a yelli, brasmeɣ nezzeh imi sul-ikem telliḍ ɣer tama n baba-m, argaz aggeεmir iwumi nga azal meqqren. Wissen ahat ssneɣ amesqirri-inem...

VIRGINIA. D ababat Kristoforus n Lalla-Ursul.

AMXATER. Ih, brasmeɣ nezzeh imi ad tedduḍ d baba-m. Ad kem-yeḥwiǧ, ahat werεad tumineḍ s wannect-a, acu, ad kem-yeḥwiǧ. Sul-ikem meẓziyeḍ nezzeh, teddiḍ d tilawt, anagar taksumt d yidim, ma d temɣer ur tesgil i waqu yuqan.ɣef tuyat n wid iwumi i ţ-yefka Rebbi, aha°, mačči ur tesgil i lebda. Akken yebɣu yimɣur wemdan ulac win iwumi ur tlaq lfaţiḥa. Uġaɣ, a yelli, ddeqs i-kem-i-d-ṭfeɣ da, axḍib-inem ahat ad yasem, ahat daɣen akken ula d baba-m, annect-a yakk ɣef wayen i ʼm-d-wwiɣ ɣef ʼimtigwen yerna aha tura kra din d ayen ifuten. Azzel ad tceḍḥeḍ ɣef ʼiman-im, ur teţu ara, sellam ɣef ubabat Kristoforus.

Virginia, mi tsellem fell-as s truẓi n tgecrirt, teffeɣ s tɣawla.

Retour en haut

Numéro 122 Novembre 2022

Chronique-Tamkudt :

Amedwel ( ameṛḍil , amyirḍel ) , tiwizi , tacemlit , dacu n umgired ?

sɣur Lmulud Sellam

Yal awal ɣur-es azal-is deg unnar , anda ttwaxdamen lecɣal , ɣas ulamma yal yiwen s unamek-is , maca iswi yiwen , d tadukli gar yimdanen , d aɛiwen neɣ d amɛiwen deg uxeddim , tettifsus taɛkemt ẓẓayen ɣef kra ma zzin-as waṭas , d asnerni di lebni i d-yettawin lfayda i yiwen umdan kan neɣ i waṭas nniḍen .

Tikwal nadi af yiman-ik , d awezɣi ad d-tafeḍ agdazal ( équivalent ) n wawal n teqbaylit deg tutlayin nniḍen (deg taɛṛabt neɣ di tṛumit). Aṭas n tɣawsiwin i yemgaraden ilmend n umgired n wansayen gar tmetti d tayeḍ . Tikwal ula d iqbayliyen yettidiren di temdinin yettṛuḥu-yasen unamek n wawal , ladɣa awalen yesseqdac umesdrar di lḥirfat swayes yettidir , neɣ awalen d-icudden ar wansayen d uxeddim yesdukulen at taddart neɣ lɛeṛc .

Maca tikwal ula d anamek n wawal , yettas-ed yexṛeb si temnaḍt ar tayeḍ . Atan s tewzel kan , wamek ssneɣ inumak n wawalen-agi , amek i ten-ddreɣ deg taddart ideg luleɣ ladɣa deg yiseggasen 1970:

1 / Amedwel (amerḍil ) : di temnaḍt-nneɣ neqqar " ameṛḍil " , yettili-d gar yimdanen ( gar sin neɣ ugar ), ladɣa asmi neqqcen tiɣewdiwin-nsen , kerrzen , meggren , ttemsefhamen deg sin neɣ ugar , iwakken ad myirḍalen ussan n uxeddim , ass-a ad xeddmen ɣer wa , azekka-nni ɣer wayeḍ . Melmi kan asmi nesserwat deg unnar s yizgaren , ad nettezzi ad neqqar : " lɛebb , lɛebb , annar yeččuṛ d lḥeb " ! Dɣa mi yeɛya win yellan ar tama n beṛṛa , neqqar i wlemmas : " dewwel " yeɛya gma-k ! Meḥsub ad yuɣal wezger-nni idewwiṛen daxel , ula d netta ar beṛṛa , tezzi-d nnuba-s .

" Adewwel " yusa-d deg umyag " dewwel " ( d nnuba-k ) . "Amedwel " d asishel n ccɣel , anda d-yettili umbeddel n taktiwin , yerna tettili lemɛanda gar wid-nni ixeddmen .

"Amedwel d awal i " nezmer ad t-nesseqdec ula di tsertit " amedwel ar ukersi ( neɣ ar udabu = alternance au pouvoir ) , neɣ ulamma ar leqdic yerzan aggagen ( wid yeɣran ) .

2 / Tiwizi : d aɛiwen deg yixeddim melmi yiwen ur yezmir ara i ccɣel-nni iman-is, ladɣa ccɣel meqqren , neɣ d aɛiwen n win d tin iɛaben , neɣ yuḍen . Tettili " twizi " deg tudrin n leqbayel , di lqweḍ uzemmur , di nnqec , di tyerza d umeggel neɣ di tmegra yakk d userwet n temẓin d yirden , di tḥeccact n tuga , di lebni n yixxamen , laḍɣa di lsisan (zik s wakal d udɣaɣ tura d " abiṭun d wuzzal ") , neɣ deg uḍeggen ("aseqqef " s yijga d uɣanim d wakal , tura s tmacinin " abiṭun d wuzzal ").

Ttawin medden tiwizi , melmi yuɛeṛ ccɣel , mačči d ayen ara yexdem yiwen iman-is netta d iɛeggalen n twacult-is , yugar-it uzemmur yesɛa , neɣ ma yella ɣur-s igran meqqren di lawan n tmegra neɣ n userwet . Uqbel tiwizi s kra n wussan , bab n win yesɛan akken axeddim di tferka-s , neɣ win akken ibennun deg uxxam-is , yessefk fell-as ad d-inadi wid izemren ad t-ɛiwnen . Ad asen-yeɛlem ɣef zik , iwakken ad iqeyyem dacu i s-ilaqen d isufar n tgella , ara d-iheggi i wassen . Acku deg wass-nni n twizi , bab n wayla yettqabal " iwaziwen-is " s tagella bninen ẓiden . Tiwizi zik d lwajeb d iseɣ , imdanen ttemɛanaden ar tid yerzan aɛiwen . Ar tura mazal tiwizi deg tudrin-nneɣ , ɣas ulamma mačči am zik . Tettili twizi gar yirgazen , am wakken tettili gar tilawin .

3 / Tacemlit :

Tacemlit ar at-zik d ccɣel yesduklen imezdaɣ n taddart , tikwal ula d wid n lɛerc . Af wakken d-cfiɣ , qrib yettili-d yal ddurt unejmuɛ deg taddart-nneɣ taqdimt , asmi mazal nniyya . Ulac win izegglen agraw n taddart , d ilemẓi neɣ d amɣar ( di 18 iseggasen armi d 70 iseggasen neɣ ugar ) . Win ur neḥdiṛ i leḥsab musayal di lexṭiya . Deg wayla n lmecmel ( ayla n tejmaɛt neɣ n taddart ) i d-yettili uxeddim n tcemlit .

Llant tcemliyin i d-yettilin d tiḍulifin, ur sɛint ara lweqt , ɣellint-ed mebla ma nebna fell-asent . Tigi ɛnant tiwuɣa i d-iḍerrun deg teswiɛt , am tmes melmi tekker , ama deg yixxamen ama di lexlawi , neɣ d isyaxen i d-iḍerrun melmi qwan yigefrawen .

Llant tcemliyin timezgiyin , tid yeɛnan aṣeggem iberdan d tliwa . Tacemlit tettili-d ula deg wayen yesduklen taddart di lfeṛḥ , ama d ttebyita ,

ama d timecṛeḍt, neɣ di lqerḥ, d tineṭṭlin yakk twuɣa-nniḍen.

Tacemlit d tamsalt yerzan at taddart meṛṛa , anagar ma d ameɛdur ur yezmir ara i lxedma . Win i wlac assen , yettwalas , ad ixelleṣ s tedrimt ayen i d-yettwabedren deg yiṣuḍaf n Taddart . Ulac ssmeḥ deg tigi.

Tacemlit d awal aqbur , i nesseqdac ar tura ula deg wayen yerzan timsal-agi tatrarin . Tettili-d tcemlit deg wayen yerzan ccna , tasekla , neɣ addal , meḥsub ayen ara texdem taṛbaɛt i lfayda n medden meṛṛa .

Lmulud Sellam ( Lmu Lud )

Retour en haut

Numéro 122 Novembre 2022

L’article :

Le monde berbère vu par les écrivains arabes du Moyen-Age

Par Tadeusz LEWICKI

In Actes du Colloque sur les cultures d’origine arabo-berbères

SNED, 1973

Pages 31 à 40

The Berber world as seen by Arab writers of the Middle Ages-The only(or almost only) written sources which are at our disposal to reconstruct the history of the Berbers in the Middle Ages are the works treating of the history and geography of North Africa,as well as the collections of biographies of North Africans,composed by Arab authors who had in general a first-hand knowledge of the Berbers. Works of this type,the oldest of which date from the 9th century onwards,are very numerous. Among the most important of these writings,mention must be made of the historical works of Ibn Idari and Ibn Haldun, as well as the geographical treatises of Ya'qubi, Ibn Hawqal,Bekri and Idrisi. There were also chronicles by Ibadite writers and other miscellaneous material, some of it modern, dealing with such topics as genealogies, distribution of tribes. Information is equally found on the political,economic and religious aspects of life.

The speaker concentrated on only two aspects: food and language. The former dealt with the food eaten by nomadic and sedentary peoples,prohibited food(poultry, eggs,fish) and certain particular practices,e.g.eating dog's flesh. The latter dealt with data on phonetics and grammar,lexical material about the various Berber languages,adaptations of the Arabic alphabet, onomastics,toponymy,etc.

Le sujet de ma communication est le monde berbère vu par les écrivains arabes du Moyen- Age. Il m'a été suggéré par les organisateurs du Congres au lieu d'une communication d'une étendue beaucoup plus limitée que je me proposais de faire à l'origine et qui aurait traité seulement des sources arabes de la secte ibadite pour l'histoire des Berbères.

Je dois donc me pencher ici sur la valeur que présentent les sources arabes médiévales (nous verrons plus loin que je comprends sous ce terme les ouvrages provenant du IXème au XVIème siècle) relatives à tous les aspects du passé médiéval des Berbères, en commençant par l'histoire politique des tribus et des États berbères et en finissant par la langue berbère dans la phase moyenâgeuse de son développement. Du fait que les renseignements des sources arabes sur les différents aspects du passé berbère sont extrêmement riches, il ne me sera pas possible de donner ici, dans le peu de temps qui m'a été accordé, une étude et une discussion approfondie de ces informations. Je ne peux, en effet, qu'effleurer ici ce problème, en me bornant seulement à une présentation des sources arabes les plus importantes sur les Berbères médiévaux et à une rapide revue des groupes de renseignements contenus dans ces sources concernant les différentes activités de ce peuple.

Le monde berbère vu par les écrivains arabes du Moyen-Age

Penchons-nous maintenant sur le rôle que les sources arabes médiévales jouent, ou plutôt peuvent jouer, dans l'étude de l'histoire de la langue, ou plutôt des dialectes berbères. Ce rôle est, à mon avis, considérable. En effet, les auteurs arabes moyenâgeux n'ont pas seulement remarqué l'existence de ces dialectes berbères- on y trouve par ex.

mention des “langues" de la tribu berbère de Nafusa et de celle de Sanhağa,-mais ils ont aussi signalé quelques faits concernant la phonétique et la grammaire berbère. Je désire

citer ici, à titre d'exemple, le passage de la sonante vélaire, consonne longue ww, en une gutturale longue gg dans les noms de tribus berbères de Huwwara et de Hoggâr, qu'on trouve, au XIVème siècle, dans l'ouvrage historique d'Ibn Haldūn. ' Mais nous disposons d'après les écrits médiévaux arabes, avant tout, de riches matériaux linguistiques provenant de différentes régions du monde berbère et appartenant aux différents dialectes berbères. Dans ces matériaux, dont l'importance est très grande puisqu'ils nous permettent d'étudier ces dialectes dans la phase médiévale de leur développement, sont inclus des mots isolés et aussi des textes plus ou moins longs, contenant des phrases et de brefs récits en berbère. Ils témoignent d'une adaptation de l'alphabet arabe à une langue dont les sons ne sont pas toujours identiques à ceux de l'arabe. Ainsi par ex. les consonnes longues berbères y sont rendues, assez souvent, au moyen d'une répétition des consonnes arabes d'une longueur normale qu'on appelle tašdīd. C'est d'ailleurs par le même moyen qu'on transcrit une consonne longue berbère en français, où l'on rend, par

ex., dans le mot tabburt “la porte” un b long par un bb. Quant à la notation des voyelles, on observe l'adaptation des graphies arabes voyelle longue/voyelle brève au système

berbère voyelle pleine/voyelle zéro. Cette dernière voyelle peut d'ailleurs comporter un minimum d'élément vocalique, ce qui justifie l'usage de la voyelle brève dans la transcription arabe.

À côté des riches matériaux lexicaux qu'on trouve éparpillés, souvent par dizaines, dans les ouvrages des géographes arabes, comme par ex. de celui d'al-Bakri, ou bien dans les traités de pharmacologie, comme par ex. dans celui d'Ibn Baytar-dans ce dernier cas il s'agit de noms de plantes55-nous disposons, je le répète, de nombreux textes berbères. Je voudrais mentionner ici, à titre d'exemple, les phrases berbères en dialecte de la tribu de Masmuda du Maroc, transcrites dans certains documents arabes d'histoire almohade du XIIème siècle publiés par feu Lévi-Provencal en 1928. Ces phrases ont été étudiées ensuite, quatre ans plus tard, par feu Marcy. Nous disposons aussi de vingt-quatre textes berbères pourvus de signes vocaliques que j'ai eu la chance de découvrir dans un recueil anonyme de biographies ibadites intitulé Kitāb as-Siyar; ces textes ont été étudiés par feu André Basset. Ils appartiennent aux dialectes de la Berbérie orientale, pour la plupart à celui de Nafusa.

Une autre catégorie de matériaux linguistiques berbères fournis dans des ouvrages arabes moyenâgeux appartient à l'onomastique. Ce sont les noms des hommes, des tribus et les toponymes. Ils sont extrêmement nombreux. Ainsi, par ex., s'il s'agit des noms de personnes, Berbères ou Berbérisés, le seul traité géographique d'al-Bakri nous en fournit environ une centaine. Ils proviennent de tous les côtés de la Berbérie et appartiennent à plusieurs dialectes berbères. Beaucoup plus homogènes sont les noms propres berbères contenus dans le recueil des vies des saints du Sud marocain d'at-Tadili, dont le nombre égale celui des noms de personnes chez al-Bakri. Un autre groupe considérable de noms propres berbères (plus de deux cents) appartenant aux dialectes berbères orientaux, surtout à celui de Nafusa, et provenant du VIIIème siècle au XVème siècle nous a été fourni par différents écrits de la secte ibadite. Le manque de temps m’empêche de me pencher sur cette catégorie de noms berbères. Il convient de noter cependant, qu’on trouve parmi eux, outre des noms purement berbères qui constituent la majorité de ce matériel linguistique et dont les traces peuvent être suivies quelquefois jusqu’à l’Antiquité, aussi des noms d’origine punique, latine ou arabe. Ces derniers ont été d’ailleurs quelquefois assez profondément berberisés. Ainsi, par ex. Le nom arabe Abd aWahid a donné en berbère Haddu, ce qui n'est peut-être que la forme berbère enfantine de ce nom. Mais à côté de noms arabes, si profondément berbérisés, il y en a aussi d'autres dont la forme originaire est nettement mieux reconnaissable. Je voudrais citer ici, à titre d'exemple, un Yumar connu de la Description de l'Afrique septentrionale d'al-Bakri qui n'est autre qu'un 'Umar ('Omar) arabe. Un second exemple : on sait grâce au livre saint de la tribu de Bergawata que le nom de Muhammad a été transformé, dans le dialecte de cette tribu, en Màmet .

Nous avons fait, plus haut, une allusion aux noms propres berbères médiévaux, dont les traces peuvent être suivies jusqu'à l'Antiquité. Je voudrais citer ici, à titre d'exemple, un Sānāğ,"2 Sanādi dans un autre dialecte, apparenté sans doute à Șanhāğ, éponyme de la tribu de Sanhağa d'après les généalogistes berbères médiévaux. Or, on retrouve ce nom dans celui de Sannasius des inscriptions latines de l'Afrique romaine.65 Un autre nom berbère, à savoir Yaldas cité dans un ouvrage ibadite médiéval" correspond fidèlement à laldas, nom d'un Maure connu du poème latin de Corippe composé au VIème siècle.

Le nom de Dieu occupe une position très particulière parmi les noms propres berbères moyenâgeux. On l'appelait Yākūš (Yakuš) chez les adeptes du prophète bergawata Salih ibn Tarif au Maroc occidental, si l'on peut en croire al-Bakri. Une forme apparentée à cette appellation, à savoir Madyakus nous a été transmise, au commencement du Xème siècle, par Ibn al-Faqih al-Hamadāni. Le nom de Yakus entre aussi, sans doute, dans l'appellation de la tribu berbère de Mazalyakuš que nous connaissons par l'ouvrage d'lbn Hawqal

L'étymologie berbère de ce nom proposée par René Basset fait dériver Yakus de la forme verbale berbère uš“donner" n'est pas admise par tous les berbérisants.

Nous avons signalé il y a un instant que les noms propres berbères transcrits dans les ouvrages arabes médiévaux appartiennent aux différents dialectes. On remarque, en effet, dans ce matériel certaines différences phonétiques. Ainsi à côté d'un Mağdulos on trouve Maydūl,° à côté d'un Seğmīmān'',

Sedmīmān”, et à côté d'un Mizwer,Miswer.73

Les sources arabes médiévales nous fournissent aussi des centaines de noms de peuplades berbères, souvent alignés dans des listes plus ou moins longues. La plus ancienne de ces listes est contenue dans le traité géographique d'Ibn Hurradādbih: elle contient 28 noms. ' Un autre géographe arabe de la même époque, à savoir al-Ya'qūbi mentionne environ 60 noms de tribus berbères Ibn Hawqal a compilé une liste renfermant plus de deux cents noms de tribus, al-Bakri nous en cite environ 150 et Ibn Haldun nous fournit, dans son ouvrage fondamental sur l'histoire des Berbères, quatre à cinq cents noms. Ces noms ont été transcrits dans les sources arabes ou d'après la forme berbère originale, ou bien sous une forme arabisée. Ainsi par ex., on y trouve Sedraten à côté de Sedrata.

Aussi les toponymes berbères sont-ils très nombreux dans les ouvrages arabes, surtout dans ceux qui concernent la géographie .On les trouve déjà par dizaines dans