|
Numéro 12 Mai
2002
LE TEXTE EN PROSE :
NDT: En
littérature, il arrive souvent que l’ouvrage dépasse l’auteur. De fieffés
coquins ont parfois écrit de belles œuvres. Avec Uɛettar, Nous sommes dans
ce cas de figure.
T . USETTAR
Ddurt-a
ad d-uɣalen Ccuhada
(aḥric2)
amezgun
tr . ɛ.mezdad
1988
AMƔAṚ MESKIN , AQEṚṚU-YIS IBƔA AD IṬṬERḍEQ , IḤULFA I IFASSEN-IS ǦǦAN-T . ƔAS AKKEN , UR MGARADENT ARA
TAKKIWIN-IS .
- Ulac win ifeṛḥen yissen , ulac : ama d imdanen lɛeli , ama d iceyyaten , ama d
imeɣnasen , ama d ixabiten . Dacu
akka i ten yuɣen akken ma llan ? Taẓayert i ten iḥebsen ur tfeṛṛez ara ayen
ilhan d wayen n diri , degs llza d reffu xelḍen . Dacu akka i ten
isuffɣen di laɛqel ? Afaggu i
ten ibuffen iwḥel , teǧǧa t tmacint , neţţa iwḥel di lɣaṛ , nitni kra din ur t zṛin . Ad fiqen asmi ar-ad tas
tmacint-nniḍen ad-ten id-tberrez ad-ten id
tessuffeɣ zdates . »
- Ṛebbi aḥnin ! a
Dda-Akli , aɛni teḍra yidek twaɣit ?
WA D ABRiGADI IǦADAṚMIYEN ? AQRAB D ABERKAN DEG UFUS. IQEṚṚEF-ED ƔURES .
DDA-AKLI : Erǧu kan , a mmi , ad ak ineɣ yiwen usaka .
ABRIGADI : Ad iyi tsurfeḍ , a Dda-Akli , ţɣawaleɣ .
DDA-AKLI : Sin wawalen kan .
ABRIGADI : - Aha°, ţxilek , maca ḥareɣ …. Limer aţ-tezṛeḍ dacu n tewal iɣ d-snulfant tuǧǧal n ccuhada
….. Tura i-geḍra unennuɣ ɣer yiwet deg sent , s ijenwiyen d iɛekkzen . Terra axxam-is d ţţberna , d axxam ameqqran , atan anda i ţ tessaweḍ . Nɛeggen as xilla n tikal , neţţa ur aɣ d-tḥess .
DDA-AKLI : - Dɣa ɣef annect a biţţa i bɣiɣ a-k mmeslayeɣ .
ABRIGADI : - Amek , a Dda-Akli ? illa
kra n wejdid . Ddussi twalaḍ , atan qrib
ad ifelleq .
DDA-AKLI : - Ad d-uɣalen !
ABRIGADI : - Anwi ar ad d-yuɣalen ?
DDA-AKLI : - Ccuhada !
ABRIGADI : - A wi gufan !
DƔA IMIR KAN
TURAR AS Ţ DEG ALLEƔ-IS : - Ma uɣalen-d wid ssreɣ , ad-tenwi
felli . Yiwen ur iẓir amek i ţwaṭṭfeɣ asmi akken tenger terbaɛt-iw di zzeḍma . Akken
kan ibda ṛṛsas , refdeɣ ifassen uyalen ara i imeddukal-iw , yernu lliɣ ţḥarabeɣ fellasen s tmiṭrayuzt . Imi ur jbideɣ ara , ḥekmeɣ fellasen i
lmut . Ulac deg sen win izemren ad iṭief amḍiq-iw , ɣlin akken ma llan . »
DDA-AKLI : YUƔAL-IT-ID RRUḤ
Atan xeṛsum yiwen d
amenzu ifeṛḥen yissen imi ad d-uɣalen . Wa ţ-ţideţ d argaz , d ţ-ţideţ d amjahed .
 S nniyya-k
id-teţmeslayeḍ ? i-s inna .
ABRIGADI : - a Dda-Akli , eǧǧ-iyi dayen ula d nekk ad ak iniɣ yiwen usaka .Dɣan tumneḍ ma yuɣal-ed mmi-k
. a-t iṛḥem Ṛebbi di leYYlaḥ ik ar ad d-yuɣal ?
Dɣa ma yuɣal-ed ad-tfak cciɛa-nni tewwiḍ d baba-s n
ccahid , ad ifak daɣen yakw
wayen s wayen ik-d-igla mmi-k asmi immut : - aţansiyu , takaṛtunt n
tumnayt , tanezduɣt s rrxa , aqadder i kţqaḍaren medden
d ubadu . Keç s timmad-ik d amaɣnas dacu n
cciɛa yugeren win illan d baba-s n
ccahid ? xemmem-as akken ilaq : deg ussan imezwura n tifrat isen
ilaq ad d-uɣalen ; tura , dayen , tɛedda tmacinţ .
DDA-AKLI : - Maca , dɣa
, ma uɣalen-d , neɣ
xaṛsum kra deg-sen ?
ABRIGADI : - Ihi , teshel temsalt . ad nefk
timseggaf i tulawin-nsen , d nitenti ar-a ţ ifrun .
DDA-AKLI , AQEṚṚUY-IS AMZUN D ALDUN , IJEQQBER ; IMI INES D ARZAGAN ,
ALLEN-IS LA NEQQENT . YEḥRES TIDI S
TMARA ? YUDEN D AKESSAR .
- Afagu dayen teǧǧa-t tmacint , yernu yiwen ur as ifaq . Ma nessaked ɣer zdat atrar , a-nṭegger kra deg wid nneɣ negguma ad
ten nḥaseb . Tal taddart deg nner
tessuli yasen ccahed iwakken ‘’Llah ad iṛḥam ccuhada’’ maca wissen ma teẓra dacu i d anamek ? Maca bennu i t nebna amzun i usekkad kan ,
iwakken ad ncbbeḥ yess taddart s isuṛdiyen n medden , i zzux kan ! Teḍra yidneɣ daɣen am winna ineǧǧren tiblaḍin n rrxun ɣef yini n tmeqqbert dacu i t iceɣban anager idrimen ar ad d-isekcem , m ar-a bnun iẓekwan …. Ah ! inɣa-yi uqeṛṛu-yiw , ul-iw iqlaɛ-ed , ass-a taglla ur ţ aɛṛideɣ . Tura imi akka aqlaɣ negguma
yasen ad d-uɣalen neţţa dacu iɣ ţţalasen . Limer maççi ţ-ţimegraḍ-nsen i fkan
d asful , yili ar-iḍ –a aqlaɣ di texmiṛt . Limer
nga am nitni , newwet amek ar-a tbeddel tegniţ , yili aqlaɣ yiwen ur
d-iggri , degmur ad nekcem di ṭṭrad akken
ilaq , nekkni neţţaf . ad tiḥila amek ar-a nessemnaɛ iqeṛṛa-nneɣ . AṚebbi aḥnin ! …. Limer wid ar-ad d-yuɣalen ad ẓren tilawt
ad nndmen imi fkan iman-nsen d asfel ! ...I wigi id-iţenkaren, ilmeẓyen , limer ad d-ldin allen ur qeblen ara ad fken aqeṛṛu nsen ssya ɣer zdat ! Uy,Uy ! Ay aqeṛṛuy-iw , ay ul-iw , a taɛbbuṭ-iw ! »
-ṚEBBI AD ISIN , A DDA-AKLI ! IDDUQES , YERRA ANDA
AKKA IƔ-IKKA UMESLAY .
DDA-AKLI : - Iḍ ameggaz , a mmi . Erǧu , ɣuri awal ad-ak-t-iniɣ .
ABRIGADI : - d lxir neqqaṛ . Aɛni teṭṭfeḍ tadrimt i k rnan i upansyu .
DDA-AKLI : - Dɣa ɣef annect-a i bɣiɣ a-k
nmeslayeɣ .
WAYEḍ : - Über as
azekka , aţ-ţawdeḍ axxam n ddumi .
DDA-AKLI : - Fiḥel ma ṣebṛeɣ . Tamsalt - –iw
taɛna yakw medden . A-k steqstiɣ .
WAYEḍ : - Steqsi ɣef yiman-ik
.
DDA-AKLI : - I ma uɣalen-d , dacu ar-a txedmem di ddumi . Imi keç d ‘’receveur’’ , ahat teẓṛiḍ dacu .
WAYEḌ : - Ma uɣalen-d ?
Anwi ar ad-d-yiɣalen , a Dda-Akli ?
DDA-AKLI : - D ccuhada , d idammen-nsen id-ţţaṭafen
imawlan-nsen d apansiyu .
WAYEḌ : - Aya d aweẓɣi , a
Dda-Akli !
DDA-AKLI : - nekk sliɣ ccuhada n taddart-nneɣ neɣ xaṛsum kra degsen ad d-uɣalen . Tura
fiḥel asḥisef, ini-yi-d kan dacu ar-a txedmeḍ , keç d receveur teţţakeḍ ipansiyunen.
WAYEḌ : - Tamsalt am ta , ţ-ţikkelt tamezwarut id-teɣli . Si laɛḍil tribunar iseggasen ad ɛeddin ad ɛeddin ma d nekni iwwi-yaɣ-d lḥal a-neḥbes lexlaṣ ipansyunen .
DDA-AKLI : - I wayen txelṣem yakan ?
WAYEḌ : - Ah ! DA tufiḍ-iyi-d bateɣ . Maɛna tamsalt ɣef akken illa lqanun , tban : ma iffeq kra seg senduq bla aḥeqqeq , asenduq a-t issuter i win i uswin idrimen
beṛṛa ilugar . neɣ ma immut i wid i-t iweṛten : idrimen ilaq ad d-uɣalen alamma d asenduq . Nekk s timmad-iw , ɣef akka ţwaliɣ , asmi ar-a iṭebbeq lqanun
, tamsalt ue tferru ara ; as-ţ nessiweḍ i Tebdelt-usenduq d neţţat ar-ad d-iheggin areqqis ahat aɣ-ţ id-issefru . Maca deg umur ad
d-theggin areqqis Tabdelt . Usenduq tezmer ad d-tɣeṛ i kra n wid illan nniges
iwakken ad sbedden axelleṣ , akken ibɣa lqanun . Tezùmer daɣen ad-tessiweḍ
tamsalt zdat Teɣdemt . A Ṛebbi-aḥnin !
ɣas tamsalt sufella teshel , zdaxel
terwi yakw , texṛeb !
DDA-AKLI : - Tanemmirt
, a Mmi . Ihi ma fehmeɣ , aṭas n tlufa ar-a d-skeflen asmi ar-ad d-uɣalen .
WAYEḌ : - Ţ-ţideţ , tuɣalin-nsen
ad-teglu s wegru annect ilat .
DDA-AKLI : - Akken bɣun xedmen , a ten qeblen d imjuhad iqdimen ma ugin-ten d ccuhada .
WAYEḍ : - Erǧu , ur teţţu ara Tamsilt Taɣelnawt ɣef wid ijuhden ikfa ccɣal-is Ad asen d-ssutren ddussi n tuţţra , ad yaçaṛ d lekwaɣeḍ ; ur walaɣ ara amek
ar-a-t id-heggin ma ur d-sseknen ara aselkin n tuɣalin ɣer Tudert . Ma ṭebqen asen lqanun akken ilaq , dɣa aselkin-a ur walaɣ ara amek ar-a-t id-ssufɣen Tura
a-sen neg Timeṭṭi , imasayen imeqqranen diwezwura , ur ten tebɣa ara , neɣ a-ten tɣunzu neɣ ad-tebɣa ara , neɣ a-ten tɣunzu neɣ ad-tcetki fellasen ɣef tukerḍa ukren ismawen-nnsen …. Dɣa anager tasusmi kan ar-asen d-yeggrir ad ǧǧen tamsalt akken tella, ad uɣalen di rrif….Ma llan degsen wid iman-nsen !
DDA-AKLI : - Akken ma llan d imawlan n tenzar . Ilaq d aɛebbed ar-a-ten nɛebbed .
WAYEḍ : - Awah ! ur ilaq ara yiwen ad yeǧ aẓekka-s .
Ul-is di tgerjumt-is , Dda-Akli ikemmel tikli-ines yiwet yiwet iţţader ɣer tlemmast
n taddart , ssyin ad yerr agemmaḍ-in .
Atan iluɛan-t-id
yiwen . Iqerreb ɣures , isbecbec-as :
DDA-AKLI : - Iḍ ameggaz , a mmi .
WINNA : - Dacu akka i-k yuɣen , a
Dda-Akli.
DDA-AKLI : - Ah ! Ziɣ d keç ay ‘’azdukli’’ !
AZDUKLI : - Ayen iɛeddan iɛedda . Tura aqli d anmala ,
ixeddamen n ‘’Cman-n-difir’’ , daya . Maca tecfiḍ ahat dacu iɣ d-inna ufesyan-nni iɣ idezɣan nekk yidek .
DDA-AKLI : - Cfiɣ
.
AZDUKLI : Ar tura
mazal imeslayen-is deg meẓẓuɣen-iw
.
DDA-AKLI : - Ɣlin fellak am yeqjan , bɣan a-k sɛeddin .
AZDUKLI : - Ahat teẓriḍ awassay n lqesma ibges-ed ɣuri ibɣa ad iyi
iqeccaɛ seg kabar d unmalu .
DDA-AKLI : - ɣef acu ?
AZDUKLI : - Mmekti-d imeslayen ufeţyan : ‘’Amussu ya , iççur ţ-ţiwekkiwin waɛṛent ! ’’
DDA-AKLI : Ţ-ţideţ . Yernu aţţan ur tbeddel ara tegniţ . Teṛṛez tikli-nneɣ . Maca bɣ-iɣ a-k steqsiɣ .
AZDUKLI : - Aqli ɣurek , a Dda-Akli .
DDA-AKLI : - Ihi , tura , i limer ad d-uɣalen ccuhada ?
AZDUKLI : - Ccuhada akken ma llan ?
DDA-AKLI : - Ih , akken ma llan .
AZDUKLI : - Tura iggt lɣaci
, ad-termi teswiɛt .
DDA-AKLI : - Aha°, maççi ɣef
akken . Bɣiɣ ad ẓreɣ ma ad feṛḥen yissen medden .
AZDUKLI : - Ad d-affen amek ar asen
xedmen . A-ten id-neccden ɣer wanda
ar-asen salsen ţţrebga , ad rkun din kra
iseggasen , ad asen kksen leslaḥ , a-ten ɛezzlen , yiwen ur ten iẓeṛ . Ssyin ad asen d-ţseṛṛiḥen yiwen yiwen , ad zwiren deg feţyanen imeqqranen . A-ten acaṛen d idrimen , a-ten semmin d iqerra n teṛmisin . Ssyin ad uɣalen ɣer iserdasen : a-ten zeraɛen di lfirmat n ddewla a-tent feṛqen garasen . Yal yiwen s tmusni-ines d wakken yuklal .
DDA-AKLI : Ţ-ţideţ neɣ d aqesseṛ .
AZDUKLI : - Tura ilaq neɣ
a nemsefhan : ur iyi d-tenniḍ
ara dacu illan deg ul-iw : tenniḍ
iyi-d ma nefṛaḥ
yissen neɣ ala .
DDA-AKLI : - I keç dacu ik illan deg ul ?
AZDUKLI : A-t eǧǧeɣ kan deg ul-iw . Ur akd-qqaṛeɣ ara alamma ẓriɣ-ten .
DDA-AKLI : - Ih , maca aţ-ţfeṛḥeḍ neɣ ala limer ad d-uɣalen ?
AZDUKLI : - Tura ma d imeɣnasen i nella , anager
yiwet n tɣawsa kan ar-a nessiked : tasmakta-nsen ! Ma
d ayen ijaɛnan timeṭṭi yifit ma ssusmeɣ . d anmalay i lliɣ , ţwaliɣ amek i ccudent temsalin , ur zmireɣ ara ad d-fkeɣ ṛṛay-inu akka kan .
DDA-AKLI
IFKA-YAS TANEMMIRT I WENMALAY AZDUKLI , SSYIN YASNA ABRID-IS , AXEMMEM SIMMAL SIMMAL ITCŢ-IT , YEƔLI-D FELLAS IGENNI .
- Amek tura , neţţa adabu ur t iṭṭif ara , yernu ur ifṛiḥ ara s tuɣalin-nsen ? Iggumma aɣ d-ifk ṛṛay-is yernu neṭṭa d agrawli n tideţ . ẓriɣ dacu i-gexdem i
Tegrawla qbel a-t ɛeṣṣren . Iwacu akka tura ur ifṛiḥ ara ? Ahat yuged ur teddun ara d ṣṣef-is . Llahu Akbaṛ !
Ifkan
tudert-nsen fellaɣ ass-a la neţcukkut deg sen …. Amzun akken tiktiwin-iten issufɣen s wayes qeblen lmut
, amzun akken beddlen-ten s tiyaḍ ! Dɣa ma nerna akka cwiṭ , ahat nezmer a-neɣli fellasen a-sen nsemmi d ixabiten d iṭemaɛen . Mca nekni aɣabel-nneɣ , d zzhu n ddunnit , ur ufaq ara asmi afgu iǧǧa tamacint nekni nezga sufella-s . Nitni , ur teţfaka ara lemziyya-nsen , ilaq a-ten nɛebbed : ţ-ţarwiḥt-nsen iɣ- d-ifḍan , ugin ammus d
wexdaɛ . D nitni i ţ-ţamacint idehhinen ɣer zdat aţ-ţeglu s ufagu-nneɣ a-t-tezzuɣer zdates …. Mca ahat kra din ad ineqlab m ar-a temlil tmacint d
ufagu ? Tamacint s tmila-ines , ahat ad-ten afagu ɣer deffir ? wissen ? Allah wakbaṛ !
Aqli tura
ibda ikeççem-iyi ucukket , deg mur ad zuxxeɣ yissen a-ten ɛebbdeɣ nekk la ţfelsifeɣ ţseqsiyeɣ . ‘’Azdukli’’ daɛwessu ɣef qeṛṛu-yis ! – Ibɣa ad iẓer dacu i ţxemmimen iwakken ad d-ifk ṛṛay-is ! »
AZDUKLI : - Ahh ! ziɣ mazal-n da , a Dda-Akli !
DDA-AKLI : D keç daɣen , ay azdukli .
AZDUKLI : - d nekk , ţţuɣ ur ak d-nniɣ ara ma uɣalen-d nezmer a-ten nemmager akken mmugren imjuhad d imeɣnasen armi tefra lgirra , asmi id-kecmen seg wedrar, asmi id-iɣalen si leḥbus d nneffu .A-sen ngerrez timeɣriwin , a-neddifili .
DDA-AKLI : - Ala, Ala , iffeɣ-ik laɛqel ! Acu akka id teqqaṛeḍ dayen ur nḍerru .
DDA-AKLI
IZSEF DAYEN KAN ,
IGZEM-AS AWAL ; SSYIN ISEGGRA YAS-D :
DDA-AKLI : - Icaḍ wawal , bɣiɣ ad d-rreɣ !
-A BABA ,
A BBA , DACU IK YUƔEN ?
WA D MMI-S D DDA-AKLI , IQḍAS-IT ƔER TAXUXT DI TLEMMAST N TADDART , IṬṬEF-IT DEG IƔIL .
DDA-AKLI : - D keç aya ansi akka id-tefɣeḍ ?
MMI-S : - Seg wexxam . Si ṣṣbaḥ nekk d aḥffu fellak , ur d-tbaneḍ . Anda akka kezzṛeḍ iman-ik .
DDA-AKLI : - Ur ţţagged ara ! Ḥess-iyi : i limer ad d-yuɣal dadda-k Meṣtafa , dacu ar-a txedmeḍ ?
MMI-S : - Ad d-yuɣal , Dadda Meṣtafa ?!
DDA-AKLI : - Ihh ! ddurt-a ad d-yuɣal .
MMI-S : - Dacu akka id-tesxeṛwiḍeḍ , a ba ?
DDA-AKLI : - Anef-iyi . Mççi d keç i ţ ixedmen , akken ma nella . Azzel awi-yas axbir i imma-k , i tmeṭṭut-ik d warraw-ik .
ISESER-ED IƔIL-IS DEG FUS N MMI-S ,
IṚUḥ , IŢŢALES : - Ilaq ad as iniɣ i ccix . Dneţţa kan
ar-ad d-issefrun tamsalt-a iɣ yaɛnan akken ma
nella . »
YUZZEL QBALA ƔER LǦAMAS . YURǦA ARMI IFUKK
TAẒALIT N ṬUKKZIN , INṬEQ ƔERCCIX .
DDA-AKLI : - Bɣiɣ a-k nmeslayeɣ .
CCIX : - Amek ,ur teẓẓuleḍ ara yidneɣ ?
DDA-AKLI : - Ur uɣeɣ ara luḍu . Usiɣ-d a-k ciwṛeɣ .
CCIX : - Ɣef wacu ?
DDA-AKLI : - Meṣtafa-inu , teẓriḍ ur d-yuɣal ara seg madaɣ .
CCIX : - Ẓriɣ . immut d ccahid .
DDA-AKLI : - Akka i la qqaren . Tameṭṭut-is , 4 wagguren kan seg asmi i d-tedda iǧǧa-ţ deg wexxam teɣraǧu-t armi d asmi i tesla s lmut-is .
CCIX : - I
ssyin ?
DDA-AKLI : - Ssyin , snefkeɣ-ţ i gma-s ameẓyan teǧǧa-d yides 4
n dderya .
CCIX : - A tawaɣit , dacu
txedmem ! Tessawḍem armi d
annect-a ! AṚɛbbi lɛalamin !
DDA-AKLI : Anɛem a ccix , dacu nessexseṛ ?
CCIX : - D leḥram , d ayen
ur iqebbel laɛqel , d zzina ! Aɣ imnaɛ Ṛebbi !
DDA-AKLI : - Amek , ur fhimeɣ ara .
CCIX : - Amek , tefkam tameṭṭut aţ-tezweǧ neţţat ur-ɛed tebri !
DDA-AKLI : Atan argaz-is immut , teţţutebbet-aɣ-d lmut-is .
Tɛedda zdat lqaḍi .
CCIX : - D ayen ur iqebbel laɛqel , nniɣ-ak , d ayen ur iqebbel taɛqel ! Txedɛem Ṛebbi , txedɛem Nnbi ,
txedɛem lkutub . Mmi-k d ccahid ,
ccuhada ur ţmeţţaten ara : ‘’Aten ad ɣer tama
Ugellid-Ameqqran isseṛwa-yasen leḥsan .’’
Aɛni
ur teɣrid ara tasureţ
inesxen ɣef teblaṭ
, yernu tella di tudrin meṛṛa ? Ma
d lmut iţţutebten ,
tiwriqin n lqaḍi , kra din d
akellex , d ayen ur iqebbel ccṛaɛ
, yiwen ur izmir ad yerr tameṭṭut
n ccahid ma ur tenebra ara . Ma ulac d zzina . Ad aɣ
imnaɛ Ṛebbi !
Teǧǧid-iyi bateɣ
, a Dda-Akli nekk ɣilen teṛwiḍ
laɛqel . Lɣerba
, ţţerk n wexxam , maççi ɣef
ccuhadda , yak neẓṛa anda ţţilin
. Aql-ak tura tefɣeḍ i Ddin , ad
yili Ṛebbi yidek !
DDA-AKLI : - Ihi , d acu ara
xedmeɣ ?
CCIX : - Axelleṣ ad xellṣen wid innulen zzina .
DDA-AKLI : - Ihi , dayen ulac dacu ar-a
nexdem ?
CCIX : - D lfeṛb , argaz
amezwaru ad as ibru neɣ ad yer tameṭṭut s axxam-is . Ma d knnwi aql-aken tefɣem i tlisa yernu ulac ddin id-iqqaren ccuhada ţmeţţaten .
Ssiked nnṣara , ar ass-a la ţṛaǧun U-Massiḥ ad d-yuɣal , acku
immut d ccahid . Tura ilaq awen aţ-ţɛiwdem cchada , aţ-ţesteɣfṛem , aţ-ţessutrem ssmaḥ . Ṛebbi aɛziz , ilaq a-t neḥmed , ahat ad awen isemmeḥ .
DDA-AKLI : - Anɛem a-ccix ,
ma d berru , waqila ad as d-naf ixf-is .
CCIX : Amek ?
DDA-AKLI : - Argaz amezwaru , Meṣṭafa-inu , ddurt-a ad d-yuɣal .
CCIX : - Aḥafiḍ , aṣettaṛ .
DDA-AKLI : - Amek …
CCIX : - Ihi , tura agla-k terriḍ iman-ik d lmasiḥ , d lmahdi ! Ad ak yaɛfu Ṛebbi ɛffeɣ si lǧamaɛ , ay axabit !
DDA-AKLI : - Atan ad d-yuɣal . Dɣa …..
CCIX : - Effeɣ ssya ! yifit
limer ţ-ţameggreṭ n tenɣiḍ , tɛeddaḍ tilisa . Ɣef akken id-inna
Lislam .Axeṛṛaǧi , aţ-ţeqluḍ di ǧihennama d amaɣlal , ulac asemmaḥ ɣef acu akka i txedmeḍ . Ma tuɣeḍ d awal-iw , cehhed steɣfeṛ, beddel lmitaq .
DDA-AKLI
, MEDLUL , IŢŢUCEWWEL MAààI D KRA , IḤULFA AQEṚṚU-YIS D AẒAYAN , UL-IS INEGDAM . IGEMMEḍ I LǦAMAS , YUḍEN METWAL . ABRID-N-TMACINT .
MI FUKKEN ANEJMAS DI LQEÜMA , SALMANI IQQIM I-INAN-IS ….
SI-SALMANI : - Aɛdaw-inu n
tideţ d lmir . atan 6 wagguren ur t
waleɣ . Maɛna tamsalt am ta teḥṛes armi
ulamek . Ma ɛeṛḍeɣ-t-id a-nemcawaṛ fellas
wissen ma ad iqbel , neɣ ad d-yaf
amek ar-a issenser . »
Iddem-ed Tiltfun ad iɣeṛ i imassayen n Tuddsiwin Tiɣelwanin . Anmalu , Imjuhad iqdimen , Tiddukla n Tulawin , iskuten ,
I lmeẓyen Abrigadi-Iǧadarmiyen . Ikukra cwiṭ , yuɣal iɣra-yas i lmir .
LXUǦA N LMIR :
- Da d lxuǧa …
SI-SALMANI : - Bɣiɣ
ad mmeslayeɣ si-Sabdelḥamid
. Nekk d Ɛalmani , amarray ukabar .
LXUǦA : - Erţu
cwiṭ , ad waliɣ
ma illa .
SI-SALMANI : - Wali kan .
LXUǦA : - Aha°, iffeɣ . Ɣef acu i tebɣiḍ
a-t tezreḍ ?
SI-SALMANI : - La qqaren ad kra
, izmer ad isregwel taɣiwant . Ad d-yili unejmaE inesduba
akken ma llan , deg wexxam n lqesma . Si-Sabdelḥamid ilaq ad
iţekki .
LXUǦA : - Allǧ ! Erǧu , erǧu , atan
iwweḍ-ed !
SI-SABDElḤAMID:
- Allǧ !
Si-Salmani ?
SI-SALMANI : - Allǧ !Si
- Sabdelḥamid ?
Amek telliḍ ?
SI-SABDElḤAMID:
- Akken ilaq . I keç ?
SI-SALMANI : A-k naɛṛeḍ ɣer unejmaɛ ar-ad d-yili tura kan
deg wexxam n Lqeṣma . Ɣas akken nemsefṛraq ţ-ţideţ , maca ţmesktayeɣ-k-id , ma d….
SI-SABDElḤAMID:
- Ala , ur illi kra garaneɣ , ama d Akabar , ama d keç s yiman-ik . Maca ar tura aqli la ţṛaǧuɣ melmi ar-a tḍeggrem azewwax-nni tessensen deg Imjuhad Iqdimen , neţţa daɣ d wemcewwel-nni ‘’azdukli’’ , winna amḍiq-is di lḥebs . Gar-i d Ukabar anager lxiṛ , Ṛebbi iẓra ! ur nemsefham
ara kan .
SI-SALMANI : - Twalaḍ tura , a yizem ,
limer akka id-tneṭqeḍ zik , ur iţţili kra garaneɣ . Aha-k , ass-ed , imir a-nwali . Myezwaren lecɣal , a Si- |